الله الله في الخوي ياشباب

مانيب على نقص المخاليـق محتـد والذيب ماهمـه دقـاق الرعاعـي

لو كان يجمعني معـه اخـر الجـد

مالي مع نقص الرجـال اجتماعـي

اللي الى جا لازمـه دبـر وصـد

واليا بغيته شفـت مامنـه داعـي

لاعذر لا موقف ولا تحسبـه عـد

نقص يجي للكبـد منـه اللتياعـي

والله لو اني زاهـم مـورد الخـد

لا اشوف وقفتها بصـف دفاعـي

لصرت ما تنفـع ولا تـارد العـد

اسم اللقب في شخص مثلك ضياعي

جعلك افدى اللي لا وقف كنه السـد

اللي تجيلـك فزعتـه باندفاعـي

رفيق عمـر رفقتـه تبـرد الكبـد

رفقة نقا مامـن وراهـا طماعـي

حـر يبيـن ماقفـه ساعـة الجـد

يبيع لك غالـي العمـر والمتاعـي

اللي مكارم صحبتـه مالهـا حـد

اللي على كسـب المعالـي يداعـي

والـود ود وصافـي الـود ممتـد

راعيه شمس (ن) نورها له شعاعي

والحقد يسكن داخل القلـب الاسـود

راعيه نار(ن)للخوي مـا تراعـي

يا هيه خل المجد يا جاهـل المجـد

المجد تكسبه الفحـول السباعـي

اللي علـى ميـلات الايـام تشتـد

توقف على الشدات موقف شجاعي

لاهنت يالذيب على القصيده الرائعه بس ياليت تزودنا بمعلومات عن القصيده المطروحه من اسم الشاعر او قصة للقصيده اذا امكن ( ودمتــم سالميـن )